უძრავი ქონების ყიდვა, თუ ქირაობა – რომელი ჯობს?

უძრავი ქონების ყიდვის უპირატესობები

1. საკუთრების შეგრძნება

საკუთარი ბინა დამოუკიდებლობისა და უსაფრთხოების განცდას ქმნის. გაქვს თავისუფლება სივრცის მოწყობაში – შეგიძლია გაარემონტო, გადააწყო ან გააფართოვო როგორც გინდა.

2. საინვესტიციო ღირებულება

უძრავი ქონება ხშირად ფასობს დროთა განმავლობაში. სწორ ადგილას შეძენილი ბინა შეიძლება მომავალში მოგებად გადაიქცეს – მისი გაყიდვა ან გაქირავება მოგებას მოგიტანს.

3. სტაბილურობა

საკუთარ სახლში ცხოვრება ნიშნავს ნაკლებად დამოკიდებულებას მფლობელზე. არ არის საფრთხე, რომ ხელშეკრულება არ გაგიგრძელონ ან შეგიცვალონ პირობები.

4. გადახდის პროგნოზი

იპოთეკური სესხის პირობები, როგორც წესი, ფიქსირებულია, მაშინ როცა ქირა ხშირად იზრდება.

ქირაობის უპირატესობები

1. მოქნილობა

ქირით ცხოვრება იძლევა ადგილმდებარეობის მარტივად შეცვლის შესაძლებლობას. თუ ხშირად იცვლი სამსახურს ან ცხოვრების სტილს, ქირა იდეალურია.

2. ნაკლები პასუხისმგებლობა

რემონტი, ტექნიკური პრობლემები, საერთო ფართების მოვლა – ეს ყველაფერი მფლობელის საზრუნავია.

3. საწყისი დანახარჯის სიმცირე

ქირის გადასახდელად, როგორც წესი, საჭიროა მხოლოდ თავდები ან პირველი და ბოლო თვის გადახდა – არავითარი სესხი და დიდძალი წინასწარი თანხა.

ქირაობის მინუსები

   • ფინანსური არასტაბილურობა – ქირის ღირებულება შეიძლება გაიზარდოს ყოველწლიურად.

   • შეზღუდული თავისუფლება – არ შეგიძლია ყველა სახის ცვლილება განახორციელო ქონებაში.

   • არაფრის დაგროვება – ქირაში გადახდილი თანხა არ გიბრუნდება. ფული უბრალოდ „ხარჯავ“ საცხოვრებლად, საკუთრების დაგროვების გარეშე.

რა უნდა გაითვალისწინო გადაწყვეტილების მიღებისას?

1. ფინანსური მდგომარეობა – გაქვს თუ არა საკმარისი დანაზოგი პირველადი შენატანისთვის ან იპოთეკის მოსაწესრიგებლად, ხოლო თუ იდეალურ შეთავაზებას იპოვით, 0%-იანი პირველადი შენატანით, გაგიმარტივდებათ გადაწყვეტილების მიღება.

2. გრძელვადიანი გეგმები – აპირებ თუ არა ქალაქში ან კონკრეტულ უბანში დარჩენას რამდენიმე წლით?

3. ცხოვრების სტილი – რა უფრო მნიშვნელოვანია, მოქნილობა თუ სტაბილურობა?

4. საბანკო პირობები – მიმდინარე პერიოდში როგორია იპოთეკური სესხების პროცენტული განაკვეთები?

დასკვნა

 

უძრავი ქონების ყიდვა და ქირაობა – ორივე ვარიანტი სწორი შეიძლება იყოს სხვადასხვა სიტუაციაში. მთავარი, რაც უნდა გაითვალისწინო, შენი ცხოვრების ეტაპი, ფინანსური მდგომარეობა და პერსონალური პრიორიტეტებია.

თუ ჯერ კიდევ ვერ გადაწყვიტე, რა გზა აირჩიო – დაგვიკავშირდი ედენ დეველოპმენტში და ჩვენი გაყიდვების გუნდი დაგეხმარება სწორად გაწერილი გეგმებით შენთვის ყველაზე კომფორტულ და მომგებიანი გადაწყვეტილება მიიღო საცხოვრებლად, თუ საინვესტიციოდ.